கொல்லிப்பாவை 3 - நகுலன்

கொல்லிப்பாவை 3 - நகுலன்

கடல் முனையில் கல்லுருப்பெற்று

கானகத்தில் சிலையாகி

ஆசை தூக்கத் துறக்கத் துறந்து

தெரு நடுவில் தேவன் இணையடி

தன்னறல் கூந்தலால் வருடி

ஏக பத்தினி மிதிலை தேவியாகித் தீக்குளித்து

ஐவர் வரித்த அருங்கனியாகிச்

சபை நடுவில் துயரெய்தி

வீடுவிட்டு வெளிவந்து

கூடுவிட்டு கூடு புகுந்து

கட்டுண்டு கூட்டுண்டு

மகப்பெற்றுச் சகத்தில் வாழ்ந்து

அம்முறையும் தவிர்த்து

வறிது வாடி தனி நொந்து

பலபெற்று நீ என்னருகமர

மறுத்ததும் என்கொல் என்னுள்ளங்

கவர் பிராட்டியே நீ ?