தளத்தைப் பற்றி

ஏராளமான இணைய தளங்கள் தமிழில் உள்ளது. அவற்றிலிருந்தோ, புத்தகங்களிலிருந்துதட்டச்சு செய்தோ சிலவற்றை இங்கே தொகுக்கின்றேன். மேலும் சிறுபத்திரிகை சம்பந்தபட்டவற்றை (இணையத்தில் கிடைக்கும் பட வடிவ கோப்புகளை) - என் மனம் போன போக்கில் - Automated Google-Ocr (T. Shrinivasan's Python script) மூலம் தொகுக்கின்றேன். அவற்றில் ஏதேனும் குறையோ பிழையோ இருந்தாலும், பதிப்புரிமை உள்ளவர்கள் பதிவிட வேண்டாமென்று விருப்பப்பட்டாலும் அவை நீக்கப்படும். மெய்ப்புபார்க்க இயலவில்லை. மன்னிக்கவும். யாராவது மெய்ப்பு பார்க்க இயலுமாயின், சரிபார்த்து இந்த மின்னஞ்சலுக்கு அனுப்பவும்
rrn.rrk.rrn@gmail.com

Tuesday, April 29, 2014

ஆலன் கின்ஸ்பெர்க்கின் நினைவு கவிதை

நினைவு - ஆலன் கின்ஸ்பெர்க்
(மொ.பெ - பிரமிள்)

பாரிஸ் நண்பன்
வஷேல் லிண்ட்ஸேக்கு :
நட்சத்திரங்கள் புறப்பட்டுவிட்டன, வஷேல்.
அமெரிக்காவின் கொலராடோ தெருவில்
அந்தி இருள் கவிகிறது.
வெற்று வெளியினூடே
மெதுவாக ஊர்கிறது ஒரு கார்.
காருக்குள்,
ரேடியோவின் ஜாஸ் இசை அலறல் ;
மங்கிய ஒளியில்
மீண்டும் ஒரு சிகரெட்டைப் பற்றவைக்கிறான்.
காருக்குள் இருக்கும் வியாபாரி.

இன்னொரு நகரின் 25 ஆண்டுகளுக்கு முன்
ஒரு சுவரில் உனது நிழலைக் காண்கிறேன்.
படுக்கையில்
நீ அண்டர்வேருடன் உட்கார்ந்திருக்கிறாய்.
நிழலின் கையில் ஒரு கைத்துப்பாக்கி-
அது உன் தலைக்குக் குறி வைக்கிறது.

உன் நிழல் தரையில் வீழ்கிறது.